Хайх зүйлээ бичнэ үү

Банкны тухай


Төлөөлөн Удирдах Зөвлөл


Зураг
Нэр
Албан тушаал
Товч намтар






Санжай ГуптаТУЗ-ийн дарга
Санжай Гупта Тэнгэр Санхүүгийн Нэгдэл болон ХасБанкны ТУЗ-ийн 2019 оны 3 дугаар сарын 28-ны өдрийн хурлын шийдвэрээр Төлөөлөн Удирдах Зөвлөл (ТУЗ)-ийн даргаар томилогдсон бөгөөд ТУЗ-ийн дэргэдэх Засаглал, нэр дэвшүүлэх, нөхөн олговорын хорооны гишүүнээр үргэлжлүүлэн ажиллана. Санжай Гүпта Олон Улсын Санхүүгийн Корпораци (IFC)-иас нэр дэвшүүлсний дагуу 2017 оны 3 дугаар сард ТУЗ-ийн гишүүнээр сонгогдсон ба ТУЗ-ийн даргаар томилогдохоос өмнө ТУЗ-ийн дэргэдэх Эрсдэлийн удирдлагын хорооны гишүүн, Засаглал, нэр дэвшүүлэх, нөхөн олговрын хорооны гишүүнээр, сүүлийн нэг жилийн хугацаанд даргаар ажиллаж байсан.Тэрээр Банк оф Америка (Bank of America), Креди Агриколь Групп (Credit Agricole Group)-ын Ази, Номхон Далай, Европ, Ойрхи Дорнод болон Африкийн бүс нутаг, БНЭУ дахь салбаруудад удирдах албан тушаал хашиж, олон улсын банкны салбарт 34жил ажилласан туршлагатай.Санжай Гупта ажлын гараагаа 1981 онд Bank of America-гийн БНЭУ дахь салбараас эхэлж, Байгууллагын банкны газар, Санхүүгийн байгууллагуудын газрын захирлаар тус тус ажиллаж байгаад 1993 оноос тус банкны Лондон дахь салбарт шилжин, Эрсдэлийн удирдлага болон Зээлийн үйл ажиллагаа хариуцсан удирдах захирал (Managing Director)-аар ажиллаж байв. 1997 оноос тус банкны Хонгконг дахь салбарт Хөрөнгө оруулалтын банкны удирдах захирлаар ажиллаж байгаад2001 оноос эхлэн Креди Лионэ (Credit Lyonnais) банкны Ази, Номхон Далайн бүс нутгийн Байгууллагын банкны газрын захирлаар ажиллах болсон байна.2007-2009 онд Креди Агриколь Группын Байгууллагын болон Хөрөнгө оруулалтын банкны газар (Calyon)-ын Азийн бүс нутгийг хариуцсан Зээлийн газрын дэд захирлаар, мөн Креди Агриколь Группын Эрчим хүчний газрын Азийг хариуцсан захирлаар тус тус ажиллажээ. Санжай Гүпта Дели их сургуулийг бизнесийн удирдлагын магистр зэрэгтэй төгссөн.

Ив Жако
ТУЗ-ийн гишүүн
Ноён Ив Жако нь 2016 оны 3 дугаар сарын 31-ны өдөр ХасБанкны ТУЗ-ийн гишүүнээр томилогдсон. Ив Жако Канадын Үндэсний Банкны олон улсын үйл ажиллагааг хариуцсан Тэргүүн Дэд Ерөнхийлөгч, мөн Канадын Үндэсний Банкны охин компани болох NATCAN International-ын Дэд захирлаар ажилладаг. Тэрээр мөн Камбоджийн ABA Банк, Мавритусын Afrasia Банк, Кот Д’Ивуарын NSIA Банк, NSIA толгой компани болон Ливаны  Byblos Банкны төлөөлөн удирдах зөвлөлийн гишүүний үүрэгт ажлыг гүйцэтгэдэг. 1993 оноос 2014 он хүртэл Ив Францын Bred Banque Populaire Банкны Дэд захирал, Bred Банкны охин компани болох Cofibred компаний Ерөнхий захирал, мөн Санхүүгийн захирал, хөрөнгө зохицуулалтын захирлаар тус тус ажиллаж байсан. 1993 онд Bred Banque Populaire Банкинд орохоос өмнө Ив 1980 оноос хойш Францын банк санхүүгийн салбарын байгууллагуудад янз бүрийн албан тушаалд, мөн гүйцэтгэх захирлаар ажилласан. Мөн Францын банкны зохицуулах хорооны төлөөлөн удирдах зөвлөлийн гишүүний үүрэгт ажлыг түр гүйцэтгэсэн. 1980 оноос 1984 оны хороонд Ив Францын банкуудын үйлдвэрчний эвлэлийн зөвлөлийн хяналт шалгалтын газарт ажиллаж байсан. Ив Эссэк Бизнесийн Дээд Сургуулийг төгссөн, мөн Уортоны Дээд Сургуульд санхүүгийн ухааны доктор зэргийн хөтөлбөрт суралцсан.

Магваны Болд
ТУЗ-ийн гишүүн
Магваны Болдоо нь 2014 оны 7 дугаар сарын 10-ны өдрөөс ХасБанкны Гүйцэтгэх захирлаар томилогдон ажиллаж байна. М.Болдоо нь мөн ТУЗ-ийн гишүүнээр, 2011 оноос ТэнГэр Санхүүгийн Нэгдэл ХХК-ийн Гүйцэтгэх захирлаар ажиллаж байгаа. ТэнГэр Санхүүгийн Нэгдлээс өмнө ХасБанкны Гүйцэтгэх захирлаар 2 жил, Ерөнхийлөгчөөр 3 жил ажиллажээ. М.Болдоо нь банк санхүүгийн салбарт, мөн түүнчлэн Дэлхийн Банк, Олон улсын валютын сан зэрэг олон улсын санхүүгийн байгууллагуудад нийтдээ хорь гаруй жил ажиллаж байна. Тэрээр 1996-2000 онд Монголбанкны дэд ерөнхийлөгчөөр ажиллаж байлаа. Мөн Зах зээл судлалын хүрээлэнд дэд захирал, Монголын Экспорт Импортын Банкны Гүйцэтгэх захирал, ОХУ-ын Москва дахь Олон улсын хөрөнгө оруулалтын банк болон Эдийн засгийн хамтын ажиллагааны банкны ТУЗ-ийн гишүүн, Афганистан улсын Төв банкинд зөвлөхөөр тус тус ажиллаж байв. М.Болдоо нь Монголын банкуудын холбооны Дэд ерөнхийлөгч, ерөнхийлөгчөөр сонгогдон ажиллаж байв. М.Болдоо нь Будапешт хотын Эдийн Засгийн Их Сургуулийг Олон улсын эдийн засагч мэргэжлээр төгссөн бөгөөд АНУ-ын Колумбийн Их сургуульд эдийн засгийн бодлого, удирдлагын чиглэлээр олон улсын харилцааны магистрын зэрэг хамгаалжээ. М.Болдоо нь Бүгд Найрамдах Исланд улсын Өргөмжит Консул.
Майкл Мадден
ТУЗ-ийн гишүүн
Майкл Мадден 2009 оноос ХасБанкны ТУЗ-ийн гишүүнээр ажиллаж байна. Майкл Мадден Ирландын Дублин хотод байрладаг хөрөнгө оруулалт, зөвлөх үйлчилгээний Ронок компанийн үүсгэн байгуулагч, ерөнхий захирлаар нь ажилладаг. 2007 онд Ронок компанийг байгуулахаасаа өмнө тэрээр 15 жил Американ Экспресс компанид Зүүн Европын орнуудад төлбөрийн карт, банкны бизнесийн салбарыг хөгжүүлэхэд ажилласан. Тэрээр 2003 онд ОХУ-д Ренессанс Кредит банкыг байгуулж, гүйцэтгэх захирлаар нь ажиллаж байсан. Майкл Мадден Ирландын Лаймерик хотын Удирдлагын коллежийг аж үйлдвэрийн инженерийн дипломтай төгссөн.

Нямтайширийн
Цэлмүүн
ТУЗ-ийн гишүүн
Нямтайширийн Цэлмүүн нь 2013 онд ТУЗ-ийн гишүүнээр томилогдсон. Тэрээр Монголын Алт /МАК/ Корпорацийн дэд ерөнхийлөгч, ТУЗ-ийн гишүүнээр ажилладаг. Тэрээр Худалдаа Хөгжлийн Банк болон Монголын Алт /МАК/ Корпорацид удирдах албан тушаалд хөрөнгө оруулалт, бизнесийн удирдлагын чиглэлээр ажиллаж байсан туршлагатай. Анх 2005 онд Худалдаа Хөгжлийн Банкны хөрөнгө зохицуулалтын хэлтсийн мэргэжилтнээр ажлын гараагаа эхэлж байсан тэрээр 2007 онд Монголын Алт /МАК/ Корпорацийн нийгмийн хариуцлагын хэлтэс, худалдан авалтын хэлтэс, худалдааны хэлтсүүдийг хариуцсан дэд ерөнхийлөгчөөр томилогдсон. Мөн 2010 оноос хойш тус компанийн хөрөнгө оруулалт санхүүгийн хэлтсийг давхар хариуцан ажиллаж эхэлсэн. Н.Цэлмүүн нь АНУ-ын Индиана мужийн Валпараисо Их Сургуулийг бизнесийн удирдлагын чиглэлээр төгссөн бөгөөд ХонгКонг дахь Стэнфордын Их сургуулийн Санхүүгийн инженерингийн хөтөлбөрт хамрагдаж суралцсан.

Риожи Нишимура
ТУЗ-ийн гишүүнРиожи Нишимура Япон Улсын ОРИКС Корпорациас нэр дэвшиж, 2018 оны 3 дугаар сарын 29-ны өдрийн хувьцаа эзэмшигчдийн хурлаар ХасБанкны ТУЗ-ийн гишүүнээр томилогдон ажиллаж байна. Риожи Нишимура мөн ТУЗ-ийн Эрсдэлийн удирдлагын хорооны даргаар болон Засаглал, нэр дэвшүүлэх, нөхөн олговорын хорооныгишүүнээр томилогдсон. Тэрээр ОРИКС Корпорацид 1996 оноос хойш ажилласан бөгөөд одоогоор ОРИКС Корпорацийн Хөрөнгө оруулалт, үйл ажиллагааны төв албаны Олон улсын бизнесийн хөгжил, хөрөнгө оруулалтын группын Тэргүүн Дэд Захирлаар ажиллаж байна. Риожи Япон Улсын Ритсумейкан Их Сургуулийг бизнесийн удирдлагын бакалаврын зэрэгтэй төгссөн.
Анджей Витак
ТУЗ-ийн гишүүн
Анджей Витак нь Европын Сэргээн Босголт Хөгжлийн Банк (EBRD)-наас нэр дэвшиж, ХасБанкны ТУЗ-ийн гишүүнээртомилогдсон бөгөөд ТУЗ-ийн дэргэдэх Эрсдэлийн удирдлагын хороо болон Засаглал, нэр дэвшүүлэх, цалин урамшууллын хорооны гишүүнээр мөн ажиллана. Анджей Витак Европын Сэргээн Босголт Хөгжлийн Банкинд олон жил ажилласан туршлагатай Ахлах банкир бөгөөд одоогоор чанаргүй актив, эрсдэлтэй зээлийн удирдлагын чиглэлээр хэрэгжүүлж буй тодорхой төслүүдэд бие даасан зөвлөхөөр ажиллаж байна.

Тэрээр 1997-2007 онд Европын Сэргээн Босголт Хөгжлийн Банкны Узбекистан дахь Суурин төлөөлөгчийн газрын захирал бөгөөд Суурин төлөөлөгч, Украин дахь Суурин төлөөлөгчийн газрын Орлогч захирлаар тус тус ажиллаж байсан. Анджей Витак Польш, ОХУ, Монгол Улс, хуучин ЗХУ-ын бүрэлдэхүүнд байсан орнууд болон Зүүн Европын орнууд дахь байгууллагуудад ТУЗ-ийн гишүүнээр ажиллаж байсан туршлагатай. Анджей Витак Польш Улсын Силезия их сургуулийг хууль зүйн магистр зэрэгтэй төгссөн.



Баянсаны Уламбаяр
ТУЗ-ийн хараат бус гишүүн
Баянсаны Уламбаяр нь 2015 оны 7 сараас ХасБанкны ТУЗ-ийн хараат бус гишүүнээр сонгогдон ажиллаж байна. Тэрээр хөрөнгө оруулалтын чиглэлээр мэргэшсэн олон улсад ажиллаж байсан туршлагатай. Б.Уламбаяр нь 2007 оноос 2009 оны хооронд Токио хотноо Леман Бродерс, Номура Секьюритис зэрэг байгууллагуудад хөрөнгө оруулалтын банкны чиглэлээр ажиллаж байсан бөгөөд Монголд эргэж ирснийхээ дараа Говь капитал, Драпер капитал, Композит капитал зэрэг хэд хэдэн хөрөнгө оруулалтын компаниудад зөвлөх болон захирлаар ажилласан. Мөн Алтай Холдинг ХХК-д ерөнхий захирлын албан тушаал хашиж байсан. Тэрээр хөрөнгө оруулалтын чиглэлээр ажиллахаасаа өмнө Токио дахь Сони корпорацид мөн АНУ болон Финланд зэрэг улсуудад богино хугацааны томилолтоор ажиллаж байсан. Б.Уламбаяр нь инженерийн мэргэжлээр Токиогийн технологийн их сургуульд бакалавр, магистрын зэрэг хамгаалсан. Мөн АНУ-ийн Чикагогийн их сургуульд бизнесийн удирдлагын мастерын зэрэг мөн хамгаалсан, англи, япон хэлтэй.
Нираж Вэдва
ТУЗ-ийн хараат бус гишүүн
Нираж Вэдва 2018 оны 6 дугаар сарын 13-ны өдрийн хурлаар ХасБанкны ТУЗ-ийн хараат бус гишүүнээр 2019 оны 3 дугаар сард болох Хувьцаа эзэмшигчдийн ээлжит хурал хүртэл түр томилогдон ажиллаж байна. Нираж Вэдва мөн ТУЗ-ийн Аудитын болон Эрсдэлийн удирдлагын хорооны гишүүнээр томилогдсон. Тэрээр 30 гаруй жил олон улсын хэмжээнд банкны өөрчлөн байгуулалт, мэдээллийн технологийн чиглэлээр удирдлагын түвшинд ажилласан туршлагатай.Нираж Вэдва Энэтхэг Улсын хөрөнгийн биржид бүртгэлтэй Тек Махиндра (Tech Mahindra) мэдээллийнтехнологийн компанид олон улсын захирлаар 2013 оноос өнөөг хүртэл ажиллаж байна. Tech Mahindra-д орохоосоо өмнө тэрээр 2 жил Швейцар Улсын Теменос компанид Олон улсын иргэдийн банкны болон Ази, Номхон Далайн бүсийн захирал, Удидлагын Зөвлөлийн гишүүнээр 2011 оны 7-р сараас 2013 оны 3-р сар хүртэл ажилласан. 1999 оноос 2011 оны хооронд Энэтхэгийн банкны програм хангамжийн томоохон компаниудын нэг болох Нуклеус Софтвэр компанид Үйл ажиллагаа хариуцсан захирлааражилласан.1987-1999 онуудад тэрээр Энэтхэгийн мэдээллийн технологийн компаниудад ажиллаж байсан. Нираж Вэдва 1987 онд Дели хотын Их Сургуулийг бакалавр зэрэгтэй, 1989 онд Индира Ганди-гийн нэрэмжит Их Сургуулийг магистрын зэрэгтэй тус тус төгссөн.

25 сая төгрөг хүртэлх зээлийн эрхтэй кредит карт

МИАТ кредит карт