Банк хоорондын волейболын аварга шалгаруулах тэмцээний “Аваргын алтан цом”-ыг ХасБанк дахин хүртлээ
Монголын арилжааны банкууд, Монголбанкны дунд жил бүр уламжлал болгон зохион байгуулагддаг Банк хоорондын волейболын аварга шалгаруулах тэмцээн 2023.11.18 – 11.19-ний өдрүүдэд ширүүн өрсөлдөөн, хурд хүч, сонирхолтой тоглолтуудаар дүүрэн болж өндөрлөлөө. Тэмцээнд нийт 8 банкны 13 багийн 170 гаруй банкирууд оролцсоноос тэмцээний нэгдсэн дүнгээр ХасБанк өмнөх жилийн амжилттай бататгаж, дахин “Аваргын алтан цом-ын эзэд боллоо.
Банк хоорондын волейболын аварга шалгаруулах тэмцээн сэтгэл догдлуулам мөчүүдээр дүүрэн, гал гарсан ширүүхэн тоглолтуудаар үзэгчдээ хөгжөөж чадсан бөгөөд тэмцээний дүнгээр:
Эрэгтэй төрөлд: алтан медаль - Хаанбанк, мөнгөн медаль - ХасБанк, хүрэл медаль - Худалдаа хөгжлийн банк
Эмэгтэй төрөлд: алтан медаль - ХасБанк, мөнгөн медаль - Төрийн банк, хүрэл медаль - Хаан банк
Мөн шилдэг эрэгтэй холбон тоглогчоор Худалдаа хөгжлийн банкны тамирчин М.Шинэбаяр, шилдэг эмэгтэй холбон тоглогчоорТөрийн банкны тамирчин З.Одонтуяа, шилдэг эрэгтэй довтлогчоор ХасБанкны тамирчин Б.Билгүүн, шилдэг эмэгтэй довтлогчоор ХасБанкны тамирчин Я.Норжунмаа, шилдэг эрэгтэй тэгш тоглогчоор Хаан банкны тамирчин Б.Наранбаяр, шилдэг эмэгтэй тэгш тоглогчоор ХасБанкны П.Буянжаргал нар тус тус шалгарч, амжилтын эзэд боллоо.
Тэмцээнд идэвхтэй оролцсон нийт банкир тамирчдадаа баяр хүргэе.
