ХасБанк нь дэлхий дахины төлбөр тооцооны томоохон гүүр болох Visa Worldwide Pte. Limited компанитай хамтран бизнес эрхлэгч байгууллагууддаа зориулсан гадаад гуйвуулгын хамгийн хямд шимтгэлтэй, найдвартай, богино хугацаанд хийгдэх Visa B2B Connect үйлчилгээг банкны дотоод үйл ажиллагаанд нэвтрүүллээ.
Тус үйлчилгээ нь дэлхийн 100+ орон руу гадаад төлбөр тооцоог хурдан шуурхай хүргэх боломжийг олгоно.

Онцлог, давуу тал:

• Олон улсад баталгаажсан найдвартай байгууллагаар дамжин дэлхийн 100+ орон руу гадаад төлбөр тооцоо хурдан шуурхай хийгдэнэ
• Корреспондент (дамжуулагч) банк байхгүй тул шимтгэл бага (Business-to-Business)

• Гадаад гуйвуулга хамгийн богино хугацаанд, буюу ажлын 24 цагийн дотор хүлээн авагчид хүрнэ.

   

Тавигдах шаардлага:

• Төлбөр шилжүүлэгч болон төлбөр хүлээн авагч талууд байгууллага байна
• Гүйлгээний валют нь зөвхөн USD (ам.доллар) эсвэл EUR (евро) байна
• ХасБанкны салбар, тооцооны төвүүдээр дамжуулан гүйлгээ хийнэ

Анхааруулга:

Мөнгө угаалт болон терроризмыг санхүүжүүлэхтэй тэмцэх олон улсын хууль, тогтоомжийн дагуу гүйлгээ илгээгч болон хүлээн авагчийн дараах мэдээллийг заавал бүрэн, тодорхой бөглөнө үү. Үүнд:

• Дэлгэрэнгүй хаяг
• Утасны дугаар
• Төлбөрийн зориулалт

Харилцагчийн бөглөсөн дээрх мэдээллүүд, тодорхой бус бичигдсэн тохиолдолд гүйлгээ буцах эрсдэлтэй болохыг анхаарна уу.

Европын Холбооны улсууд руу евро (EUR) валютаар гадаад шилжүүлэг хийх тохиолдолд хүлээн авагчийн IBAN дансны дугаарыг заавал бичих шаардлагатай. IBAN гэдэг нь улсын код, хүлээн авагчийн банкны салбарын код, хүлээн авагчийн дансны дугаарыг нэгтгэсэн, олон улсад түгээмэл ашиглагддаг цогц дансны дугаар юм.

IBAN дугаарыг ашиглан гүйлгээ илгээснээр:

• Гүйлгээ хүлээн авагчийн дансанд хурдан хийгдэнэ
• Олон банк, салбар дамжихгүйгээр шууд орно

• Үүний үр дүнд гүйлгээний зардал хэмнэгдэх давуу талтай. 

   

Нэмэлт мэдээлэл:

• Гүйлгээ буцаан дуудсан тохиолдолд ажлын 5 хоногт буцаагдана.