ХасБанк ХК-ийн Төлөөлөн удирдах зөвлөл (“ТУЗ”)-ийн 2026 оны 03 дугаар сарын 20-ны өдрийн R-2026-21 дүгээр тогтоолын дагуу Компанийн тухай хуулийн 59 дугаар зүйлийн 59.4 дэх хэсгийг үндэслэн, хувьцаа эзэмшигчдийн 2026 оны ээлжит хурлыг үүгээр зарлаж байна.

Компанийн нэр, байршил: ХасБанк ХК, Улаанбаатар хот, Сүхбаатар дүүрэг, Ерөнхий Сайд Амарын гудамж, ХасБанкны Төв Байр, ШХ 20A, 72 

Хурал болох өдөр, цаг, газар: 2026 оны 04 дүгээр сарын 29-ний өдрийн 09:00 цагт (Улаанбаатар хотын цагаар) Монгол Улс, Улаанбаатар хот, Сүхбаатар дүүрэг, 1 дүгээр хороо, Олимпийн гудамж -19 хаягт байрлах Шангри-Ла зочид буудлын Их танхимд хосолсон (танхим болон цахим) хэлбэрээр зохион байгуулагдана.

Хуралд оролцох эрхтэй хувьцаа эзэмшигчдийн нэрсийн жагсаалт гаргах бүртгэлийн өдөр: 2026 оны 04 дүгээр сарын 14-ний өдөр

Хурлаар хэлэлцэх асуудлууд:

• Танилцуулах асуудал:

1. ТУЗ-ийн хараат бус гишүүдийн тайлан.

• Шийдвэрлэх асуудал:

1. ХасБанкны 2025 оны үйл ажиллагааны тайлангийн талаарх ТУЗ-өөс гаргасан дүгнэлтийг батлах тухай;
2. ХасБанкны 2025 оны аудитлагдсан санхүүгийн тайлангийн талаарх ТУЗ-өөс гаргасан дүгнэлтийг батлах тухай;
3. ХасБанкны 2025 оны жилийн эцсийн цэвэр ашгаас ногдол ашиг хуваарилах тухай;
4. Хувьцаа эзэмшигчдийн 2028 оны ээлжит хурал хүртэл хугацаанд бүрэн эрх хэрэгжүүлэх ТУЗ-ийн гишүүдийг сонгох тухай;
5. ТУЗ-ийн 2026 оны төсвийг батлах тухай.

Хувьцаа эзэмшигч та хурлын материалуудтай танилцах бол 2026 оны 03 дугаар сарын 30-ны өдрөөс эхлэн банкны цахим хуудаст (www.xacbank.mn) болон ажлын өдрүүдэд өөрт ойр үнэт цаасны брокер, дилерийн компаниудад хандана уу.

Хуралд биечлэн оролцох боломжгүй хувьцаа эзэмшигчид нь өөрийн саналыг 2026 оны 04 дүгээр сарын 17-ны өдрийн 10:00 цагаас эхлэн хувьцаа эзэмшигчдийн хурал дуустал хугацаанд ХасMийтинг аппликейшнээр дамжуулан цахимаар өгөх боломжтой.

Холбоо барих:

Утас: +(976)-8508-1888

Цахим шуудангийн хаяг: investor-relations@xacbank.mn

Ажиллах цагийн хуваарь: ажлын өдрүүдэд 10:00-17:00 цагийн хооронд.

2026 оны 03 дугаар сарын 25-ны өдөр

ЗОХИОН БАЙГУУЛАХ КОМИСС