ХасБанкны ёс зүй
- ХасБанкны хувь нийлүүлэгч, гүйцэтгэх удирдлага, ажиллагсад нь өөрийн үйл ажиллагаандаа ёс зүйн өндөр стандартад суурилсан хууль ёсны шаардлагыг хангаж ажиллах үүрэг хүлээдэг.ХасБанкинд мөрдөгдөж буй
- ХасБанканд мөрдөгдөж буй Ёс зүйн кодекс ба сонирхлын зөрчлийн ерөнхий журам нь банкны үйл ажиллагаандаа ёс зүйг эрхэмлэн хууль ёсны шаардлага тавих, компанийн сайн засаглалыг манлайлан дэмжин ажиллах зорилтыг илэрхийлдэг.
- ХасБанкны ёс зүйн стандарт нь чин сэтгэлээсээ хандах, ёс зүйтэй байх, шударга байх, ил тод байх зарчмуудад үндэслэгддэг бөгөөд бүх оролцогч талууд, түүний дотор хөрөнгө оруулагчид, хувьцаа эзэмшигчид, ажиллагсад, үйлчлүүлэгчид, бизнесийн түншүүд, төрийн байгууллагууд, нийгэм, олон нийттэй харилцах харилцаанд мөн адил хамаарч үйлчилнэ.
Сонирхлын зөрчил ба Харилцагчийг Хамгаалах
- ХасБанкны нийт ажилтнууд нь ашиг сонирхлын зөрчилд үл автагдах, үүсч болохуйц нөхцөл байдлаас зайлсхийх, банкны эрх ашигт аливаа сөрөг үр дагавар бий болгохгүй байх, хөндлөнгийн нөлөөлөлд үл автан шийдвэр гаргах үүрэгтэй.
- Мөн ХасБанкны ажилтан тус бүр бараа үйлчилгээний бодит буюу боломжит нийлүүлэгч, хөрөнгө хүлээн авагч, эсвэл өөрийн хувийн ашиг сонирхол нь банкны ашиг сонирхолтой зөрчилдсөн тохиолдолд банкинд нэн даруй мэдэгдэх үүрэгтэй.
ХасБанк өөрийн ажилтнууд, харилцагч, хамтрагчид болон иргэдийг ёс зүйгүй, хор хөнөөлтэй, залилангийн шинж чанартай үйл ажиллагааны талаар мэдээлэхэд нь бүх талаар дэмжиж, хамгаалах бодлого баримталдаг. Ингэхдээ Шүгэл үлээх бодлогын дагуу мэдээлэгчдийг хамгаалж, мэдээллийн нууцлалыг чандлан хадгалдаг. Шүгэл үлээх бодлоготой ЭНД дарж танилцана уу. Мэдээлэгчид мөн ЭНД дарж санал, гомдол илгээх маягтаар нэрээ нууцлан мэдээлэл ирүүлж болно.
Компанийн хариуцлага ба шударга ёсыг дээдлэх
- ХаБанкны удирдлага, нийт ажиллагсад нь Ёс зүйн дүрмээр зохицуулагдсан харилцаа түүний зарчмуудыг дагаж мөрдөх үүрэгтэй бөгөөд банкны үйл ажиллагаагаа явуулахдаа бусдаас бэлэг сэлт, шан харамж, хөнгөлөлт, төлбөр, үнэгүй үйлчилгээ, зээл зэрэг зүйлийг цээрлэдэг.
- ХасБанкны Ёс зүйн дүрэмд заасан зарчмуудыг зөрчсөн аливаа буруутай үйл ажиллагаа гарсан тохиолдол тус бүрт зөрчлийг арилгах, засах чиглэлээр шуурхай, дорвитой арга хэмжээ авдаг болно.
Тайлагнах, мэдээлэх
- ХасБанк нь өөрийн үйл ажиллагаандаа ил тод, шударга харилцаанд тулгуурласан итгэлцлийг байгуулж ирсэн. Бид эрх бүхий зохицуулагч байгууллагын өмнө хүлээсэн үүргийнхээ дагуу банкны үйл ажиллагааны талаар үнэн зөвөөр тайлагнадаг.
- Бид бусдын оюуны өмчийн эрх, мэдээллийн нууцад хүндэтгэлтэй хандаж, задруулахгүй байх үүргээ хэрэгжүүлж ажилладаг.
